Bolungarvíkurlína 2

Smelltu á mynd til að stækka

Bolungarvíkurlína 2 - yfirlitskort.

Landsnet vinnur nú að endurnýjun Bolungarvíkurlínu 2, milli Ísafjarðar og Bolungarvíkur. Lagður verður 12 km langur 66 kV jarðstrengur sem leysir núverandi loftlínu að hólmi. Vinna við lagningu jarðstrengsins um Bolungarvíkurgöng, sem unnið er að milli Hnífsdals og Bolungarvíkur, fer fram í janúar og febrúar 2010. Sumarið 2010 verður strengurinn lagður þá hluta leiðarinnar sem liggja utan veggananna.

Framkvæmdin mun stytta nýverandi tengingu milli Ísafjarðar og Bolungavíkur um 4,5 km og gera mögulegt að reka flutningskerfið sem tengir Ísafjörð, Breiðadal og Bolungarvík í hringtengingu. Strengurinn eykur afhendingaröryggi raforku á norðanverðum Vestfjörðum.

Í stuttu máli 

Bolungarvíkurlína 2, jarðstrengurinn milli Ísafjarðar og Bolungarvíkur: 12 km.

Rekstrarspenna strengsins: 66 kV.

Strengurinn liggur um sveitarfélögin Ísafjarðarbæ og Bolungarvíkurkaupsstað.

Lagning strengsins er ekki háð mati á umhverfisáhrifum.