Kröflulína 2 og Fljótsdalslína 2

Smelltu á mynd til að stækka

Kortið sýnir gamla og nýja legu Kröflulínu 2 og Fljótsdalslínu 2.

Í úrskurði Skipulagsstofnunar um mat á umhverfisáhrifum Fljótsdalslína 3 og 4, frá 27. maí 2000, var sett það skilyrði að Kröflulína 2, frá tengivirki við Kröflustöð að tengivirki Landsnets við Hryggstekk í Skriðdal, yrði flutt og lögð suður eftir Fljótsdalsheiði, fram af Teigsbjargi, að tengivirki í Fljótsdal og þaðan í jörð að Brattagerði eigi síðar en árið 2006.

Í samræmi við þetta skilyrði var Kröflulína 2 rifin frá horni á miðri Fljótsdalsheiði að horni við eyðibýlið Brattagerði í Fljótsdal. Í staðinn var reist sambærileg háspennulína til suðausturs að horni sunnan við Garðavatn og þaðan fram af Teigsbjargi, að tengivirki Landsnets í Fljótsdal. Þessi línukafli er austasti hluti Kröflulínu 2.

Smelltu á mynd til að stækka

Línan frá tengivirkinu í Fljótsdal að Hryggstekk í Skriðdal heitir Fljótsdalslína 2. Lagður var 132 kV jarðstrengur frá tengivirkinu austur yfir Jökulsá í Fljótsdal og síðan að mestu meðfram vegi að Brattagerði þar sem tengt var inn á loftlínu sem liggur yfir Hallormsstaðaháls að Hryggstekk. Jarðstrengskaflinn er því fyrsti hluti Fljótsdalslínu 2.