Landsnet vinnur að undirbúningi tveggja 220 kV háspennulína frá fyrirhugðum virkjunarsvæðum á háhitasvæðunum í Þingeyjarsýslu að Bakka við Húsavík.
Verkefnið tengist áformum um álver á Bakka.
Mat á umhverfisáhrifum
Tillaga að matsáætlun var send Skipulagsstofnun í mars 2008 en vegna úrskurðar umhverfisráðherra um sameiginlegt umhverfismat fyrir virkjanir, flutningslínur og álver við Bakka hefur verkefnið dregist á langinn.
Sveitarfélögin á svæðinu vinna að breytingum á aðalskipulagi á grundvelli áður samþykkts svæðisskipulags.
Stefnt er að lúkningu vinnu við umhverfismat flutningsvirkja fyrir árslok 2009, samhliða hinu sameiginlega umhverfismati sem unnið er í samstarfi Alcoa, Þeistareykja ehf., Landsvirkjunar og Landsnets.
Tillaga að matsáætlun
Í stuttu máli:
- Háspennulínurnar frá háhitasvæðunum að Bakka verða hvor um sig samtals um 60 km langar.
- Gert er ráð fyrir tengivirkjum á Þeistareykjum, í Kröflu og Bjarnarflagi. Tengivirki á Bakka verður að líkindum á vegum orkunotanda. Á Hólasandi er staðsetning lína við það miðuð að síðar geti komið þar tengivirki.
- Línurnar liggja um þrjú sveitarfélög; Skútustaðahrepp, Þingeyjarsveit og Norðurþing.