Suðvesturlínur - styrking flutningskerfis á Reykjanesi
Smelltu á mynd til að stækka
Yfirlitsmynd - Suðvesturlínur.
Verkefnið tekur til endurnýjunar á raforkuflutningskerfinu frá Hellisheiði að Geithálsi og Hafnarfirði og áfram út á Reykjanes.
Orkukerfið frá Hellisheiði að Hrauntungum í Hafnafirði verður byggt upp á 400 kV spennu en kerfið á Reykjanesskaga á 220 kV spennu.
Endurnýjunin er brýn því núverandi kerfi er nýtt til fulls og annar ekki fyrirsjáanlegri eftirspurn á svæðinu í nánustu framtíð. Að verki loknu getur flutningskerfið flutt þá raforku sem ætla má að þörf verði fyrir á þessu svæði næstu áratugi.
Í stuttu máli
- Gert er ráð fyrir nýbyggingu u.þ.b. 152 km af loftlínum auk endurnýjunar á um 19 km af endurnýjuðum línum í meginflutningskerfinu.
- Nýjar tengingar orkunotenda og virkjana við meginflutningskerfið, alls 35 km af loftlínum og 54 km af háspennustrengjum í jörðu.
- Núverandi háspennulínur, alls 97 km af loftlínum, verða rifnar niður og fjarlægðar.
- Ný tengivirki rísa á Hellisheiði, við Sandsskeið, Hrauntungur sunnan Hafnafjarðar og á Njarðvíkurheiði.
- Tengivirki við Rauðamel verður fjarlægt.
- Jarðstrengir verða lagðir frá Hverahlíðarvirkjun að tengivirki á Hellisheiði, frá Hrauntungum að Hamranesi og frá Fitjum að Helguvík vegna orkufreks iðnaðar þar.
- Háspennulínurnar liggja um 12 sveitarfélög á svæðinu og snerta einnig alls um 150 landeigendur, bæði einstaklinga, félög og opinbera aðila.