Smelltu á mynd til að stækka

Þórður Guðmundsson fostjóri Landsnets tekur við skírteini um vottunina úr hendi Kjartans J. Kárasonar forstjóra Vottunar hf.

Gæðavottun Landsnets

Landsnet hefur fengið vottun samkvæmt gæðastjórnunarstaðlinum IST EN ISO 9001:2000.

Vottunin nær til flutnings raforku, kerfisstjórnunar, hönnunar, uppbyggingar, reksturs og viðhalds íslenska raforkukerfisins.

Örugg afhending raforku til viðskiptavina Landsnets hefur bein áhrif á þjóðarhag og því er samfélagsleg ábyrgð fyrirtækisins mikil. Kappkostað hefur verið að ábyrgðaskipting og verkferlar hjá fyrirtækinu séu vel skilgreindir og skýrir.