Smelltu á mynd til að stækka

Á hverjum tíma þarf að vera jafnvægi á milli framboðs og eftirspurnar rafmagns.

Hlutverk, gildi og framtíðarsýn 

Hlutverk Landsnets samkvæmt raforkulögum er að reka flutningskerfi raforku og annast kerfisstjórnun. Fyrirtækinu ber að tryggja og viðhalda hæfni flutningskerfisins til lengri tíma og tryggja rekstraröryggi raforkukerfisins.

Landsnet á einnig að sjá til þess að jafnvægi sé á milli framboðs og eftirspurnar rafmagns á hverjum tíma og annast uppgjör orkuflæðis á landsvísu. Þá á fyrirtækið að stuðla að því að efla virkni raforkumarkaðarins.

Framtíðarsýn

Framtíðarsýn Landsnets er að vera ábyrgt og framsækið þjónustufyrirtæki með öfluga liðsheild, sterka samfélagsvitund og í fremstu röð í alþjóðlegum samanburði.

Gildi

Starfsmönnum ber að hafa gildi Landsnets að leiðarljósi í öllum störfum sínum og athöfnum. Gildin taka mið af hlutverki og framtíðarsýn fyrirtækisins og eru grundvöllur þess fyrirtækjabrags sem sóst er eftir. Gildi Landsnets eru: áreiðanleiki, framsækni, hagsýni og virðing. Megininntak þeirra er sem hér segir:
 

• Áreiðanleiki. Við sýnum sjálfstæði um leið og við gætum trúnaðar og jafnræðis gagnvart viðskiptavinum. Í allri framgöngu okkar og vinnubrögðum sýnum við heilindi og samviskusemi.
• Framsækni. Við tökum frumkvæði, leitum tækifæra og vinnum að stöðugum umbótum. Við erum skapandi og þróum aðferðir og lausnir sem örva samkeppni. Við leggjum metnað okkar í skjóta og markvissa úrlausn verkefna. 
• Hagsýni. Við sýnum ráðdeild, förum vel með aðföng og fjármuni og höfum arðsemismarkmið að leiðarljósi.
• Virðing. Við setjum viðskiptavininn í öndvegi, berum virðingu fyrir umhverfinu og drögum úr óæskilegum áhrifum starfseminnar. Við berum virðingu fyrir samstarfsmönnum og skoðunum þeirra og gerum ekki málamiðlanir þegar öryggi einstaklinga er annars vegar.