Eins og áður hefur komið fram á þessum vettvangi þá hefur 66 kV Bolungarvíkurlína 1, sem liggur frá tengivirkinu í Breiðadal til Bolungarvíkur, verið úr rekstri frá því á laugardag.
Við skoðanir kom í ljós að mikil ísing var á línunni og má líklega kenna því ásamt með samslætti leiðara um að línan fór úr rekstri. Nú hefur ísingin verið barin af leiðurum. Við grandskoðun á línunni hefur komið í ljós að ekki var um eiginlega bilun að ræða.
Var línan sett í rekstur nú síðdegis kl: 15:20.
Eru þá allar línur Landsnets á Vestfjörðum í fullum rekstri á ný.