Umhverfis háspennuloftlínur og jarðstrengi þarf að vera svokallað helgunarsvæði af öryggisástæðum og er ekki leyfilegt að byggja varanleg mannvirki á því.

Helgunarsvæði loftlínu

Loftlínur þurfa ákveðið landrými og takmarka aðra nýtingu þess lands. Breidd helgunarsvæðisins fer eftir spennunni á línum. Það er 50-60 m fyrir 220 kV línur og allt upp í 75-90 m fyrir 400 kV línur. Helgunarsvæði eru semsagt ekki af staðlaðri stærð, heldur ákvörðuð í hverju tilviki eftir gerð mannvirkisins og í samræmi við íslenska staðla um loftlínur.

Helgunarsvæði jarðstrengja

Fyrir hvert 220 kV jarðstrengjasett er áætlað að þurfi um 3 m helgunarsvæði, auk þess sem gera þarf ráð fyrir akstursleið meðfram strengnum og svæði fyrir uppgröft.

Ef strengjasettin eru tvö stækkar svæði í 5 m o.s.frv. Þessar tölur eru þó ekki algildar og háðar ýmsum þáttum, t.d. því hvernig strengur er lagður, hvaða spenna er á honum, fjarlægð á milli strengjanna í settinu og hvaða kröfur eru gerðar til aðgengis að strenglögn til viðhalds o.þ.h.

Á helgunarsvæði jarðstrengja má ekki byggja og flestur trjágróður en bannaður því rótarkerfið getur valdið skaða á strengjunum.

Jafnframt þarf landrými undir endastöðvar jarðstrengs þar sem tengivirki og ýmis konar rafbúnaður er staðsettur, auk mögulegra launaflsútjöfnunarstöðva með jöfnu millibili á strengleiðinni þegar um lengri strengi er að ræða.