Rask við byggingu loftlínu felst að mestu í lagningu vegslóða meðfram línuleiðinni og gerð undirstaða og vinnusvæðis í hverju mastursstæði. Jarðrask er einnig töluvert við lagningu jarðstrengs.
Loftlínur
Að loknum framkvæmdum er loftlínan yfirleitt áberandi í landslaginu, einkum þegar möstrin eru ný og galvanhúðin glansandi. Með tímanum dregur úr glansinum og þá falla möstrin betur inn í landslagið.
Jarðstrengir
Sýnilegastur er vegslóðinn meðfram öllu strengstæðinu, tengikassar með jöfnu millibili og launaflsútjöfnunarstöðvar til leiðréttingar á fasviki sem krefjast talsverðs landsrýmis (1-2 þúsund m² þarf fyrir hverja stöð í 220kV streng).