Tengivirkið við Korpu er mikilvæg aðkomuleið rafmagns til höfuðborgarsvæðisins.
Tengivirki er mannvirki og búnaður sem notaður er til að setja rafmagn inn á flutningskerfið eða til að taka rafmagn út af kerfinu.
Helsti búnaður tengivirkja eru aflspennar, aflrofar, skilrofar, jarðblöð, mælaspennar, varnarbúnaður, launaflsbúnaður og hjálparbúnaður. Í Landsnetskerfinu eru nú 72 tengivirki og 77 afhendingastaðir, þar af eru 19 aflstöðvar, fjórir stórnotendur og 54 afhendingastaðir til dreifiveitna.