Landsnet leggur metnað sinn í að umgangast landið af virðingu, forðast allt óþarfa rask og taka tillit til náttúru og umhverfis í allri starfseminni. Jafnframt leggur fyrirtækið áherslu á að starfsemin fari fram í góðri sátt við helstu hagsmunahópa, sveitarfélög, jarðeigendur og ábúendur þeirra jarða sem línur Landsnets liggja um.
Með markvissri stjórnun umhverfismála lágmarkar Landsnet áhrif starfseminnar á umhverfið. Fylgjst er með umhverfisáhrifum rekstursins og grípið til aðgerða ef þörf krefur. Landsnet vill eiga opna og hreinskipta umræðu og samvinnu við yfirvöld, stofnanir og almenning um umhverfismál og leggja sitt af mörkum til að bæta árangur samfélagsins í umhverfismálum. Stefna og gildi Landsnets endurspegla þessar áherslur. Stefna LandsnetsGildi Landsnets