Mat á umhverfisáhrifum

Megintilgangur með mati á umhverfisáhrifum er að lýsa á hlutlægan hátt umhverfisáhrifum viðkomandi framkvæmdar, þannig að þeir, sem veita leyfi fyrir framkvæmdunum, geri sér fulla grein fyrir því hver áhrifin verða.

• Ferli mats á umhverfisáhrifum

Á grundvelli þessara upplýsinga geta leyfisveitendur sett skilyrði fyrir framkvæmdinni sem lágmarka umhverfisáhrifin enn frekar. Landsnet ber ábyrgð á að skilyrðum opinberra aðila sé hlýtt og að gripið sé til hugsanlegra mótvægisaðgerða vegna framkvæmdarinnar.

• Skýrslur um mat á umhverfisáhrifum (MÁU) vegna framkvæmda sem eru í undirbúningi á vegum Landsnets eru vistaðar undir viðkomandi verkefnum.
• Einnig er hægt að nálgast skýrslur um MÁU á vegum Landsnets á vef Skipulagsstofnunar.

Það er stefna Landsnets að lágmarka óæskileg áhrif starfseminnar á umhverfið og hefur fyrirtækið markað sér sérstaka umhverfisstefnu vegna framkvæmda; til að stuðla að því að umhverfisröskun á byggingartíma verði í lágmarki og frágangur við verklok til fyrirmyndar.