Innviðauppbygging VEL-04
Tengivirkið við Vegamót á Snæfellnesi er mikilvægur tengipunktur en þar kemur saman eina tenging Snæfellsness við meginflutningskerfið. Núverandi virki er frá árinu 1975 og ástand þess orðið slæmt.
Virkið er á endurnýjunaráætlun Landsnets og fyrirhugað er að í stað núverandi útivirkis verði reist nýtt yfirbyggt 66 kV gaseinangrað tengivirki, með 4 rofareitum ásamt rými fyrir einn viðbótarrofareit, á sama stað sem leysir af hólmi núverandi virki.
Áætlað er að framkvæmdir hefjist vorið 2022 og nýtt virki verði spennusett í byrjun árs 2024.
