Við undirbúning flestra framkvæmda okkar fara fram kerfisrannsóknir sem eru síðan grundvöllur kerfishönnunar, sem er fyrsta stig hönnunarferlisins.

Slíkar kerfisrannsóknir teljast ekki til sérstakra rannsókna, heldur eru eðlilegur þáttur í undirbúningsferlinu.

Til sérstakra rannsóknaverkefna á þessu sviði má nefna mat á mögulegum lengdum jarðstrengja í flutningskerfinu, mat á flutningsgetu einstakra lína, greining á áreiðanleika kerfisins svo eitthvað sé nefnt.

Tilgangurinn með þessum sérstöku rannsóknaverkefnum innan kerfisrannsókna er m.a. að þau styðji við undirbúningsþáttinn, þ.e. að þegar undirbúningsverkefni hefst sé „stóra myndin“ ljósari.