Flutningstöp kallast það afl sem tapast í kerfinu við flutning raforkunnar vegna viðnáms í línuleiðurunum. Þar sem heildarviðnámið er yfirleitt mjög lítið fyrir stuttan bút af línuleiðara fer leiðaratapið ekki að hafa veruleg áhrif fyrr en línurnar eru orðnar langar og mikið er flutt um þær á hárri spennu.

Við kaupum rafmagn á raforkumarkaði til að mæta flutningstapi í kerfinu. Að þessu leyti eigum við það sameiginlegt með stórnotendum raforku að þurfa að kaupa orku í miklu magni fyrir starfsemi sína. 

Opinn samningur um innkaup á raforku vegna tapa í flutningi raforku var boðinn út árið 2017. Raforka vegna flutningstapa  verður nú boðin út fjórum sinnum á ári í lokuðu útboði innan samningsins og er ástæðan m.a. betri endurgjöf á verði til markaðsaðila og gögn eru nær rauntíma við áætlunargerð enn áður. Með því verður hagkvæmni og skilvirkni innkaupanna aukin.

Til að sækja um að birgi í gagnvirku innkaupakerfi vegna innkaupa á raforku vegna flutningstapa er farið inn á útboðskerfið okkar, þar þarf að skrá sig inn og slá inn kóðann: G735U2D9UN til að fá aðgang að útboðsgögnum og senda inn umsókn til að vera hluti af gagnvirku innkaupakerfi. Nánari upplýsingar veitir innkaupadeildin okkar.

Verð sem boðin eru í hvern ársfjórðung verða birt hér á síðunni ásamt niðurstöðum við hvern samið verður eftir yfirferð og mat tilboða.

Tilboð - ársfj 4. 2018

Tilboð - ársfj 3. 2018

Tilboð - ársfj 2. 2018

Tilboð - ársfj 1. 2019

Fannst þér efnið hjálplegt?NoYes
Takk fyrir

Ábendingin verður notuð til að bæta gæði þjónustu og upplýsinga á vef Landsnets. Hikaðu ekki við að hafa samband ef þig vantar aðstoð.

Af hverju ekki?