Til að tengja iðnaðarsvæðið á Bakka við Þeistareykjavirkjun og virkjunina við flutningskerfið byggir Landsnet nú tvær 220 kV raflínur, Þeistareykjalínu 1 og Kröflulínu 4, ásamt þremur tengivirkjum.
Fyrirsjáanlegt hefur verið um nokkurn tíma að styrkja þarf flutningskerfið við höfuðborgarsvæðið vegna breyttrar flutningsþarfar og fara áform Landsnets saman við áform sveitarfélaganna á svæðinu um byggðaþróun og uppbyggingu innan viðkomandi sveitarfélaga.
Með lagningu Grundarfjarðarlínu 2, 66 kV jarðstrengs milli Ólafsvíkur og Grundarfjarðar og byggingu nýrra tengivirkja, eykst áreiðanleiki svæðiskerfisins á Vesturlandi og afhendingaröryggi raforku batnar á Snæfellsnesi.
.jpg?proc=NewsPanelImage)
Til að auka afhendingaröryggi og framboð raforku í Vestmannaeyjum hefur verið unnið að spennuhækkun Vestmannaeyjastrengs 3 sem nærri tvöfaldar flutningsgetu raforku til Eyja og getur þannig stuðlað að aukinni rafvæðingu fiskiðjuvera þar.
Vegna stækkunar Búrfellsvirkjunar og tengingar nýrrar vélar hennar við flutningskerfið þarf að breyta tengivirki Landsnets í Búrfelli og endurnýja stjórnkerfi.
Til að auka öryggi flutningskerfisins á Vestfjörðum á að leggja 132 kV jarðstreng í fyrirhuguð Dýrafjarðargöng, milli Arnarfjarðar og Dýrafjarðar, en áformað er að reka hann fyrst um sinn á 66 kV spennu.
Vegna aukinnar orkunotkunar á höfuðborgarsvæðinu og Vesturlandi er þörf á að styrkja tengingar á milli þessara svæða. Horft er til þess að tengja betur virkjanir á Þjórsársvæðinu og Hengilsvæðinu við svæði sem nýta mest rafmagn á suðvesturhorni landsins.
Landsnet hefur lagt fram frummatsskýrslu fyrir Kröflulínu 3 til athugunar hjá Skipulagsstofnun.
Markmiðið með Hólasandslínu 3, 220 kV raflínu milli Akureyrar og Hólasands norðan við Mývatn, er að tryggja stöðugleika raforkukerfisins á Norður- og Austurlandi og auka hagkvæmni í orkuvinnslunni með samtengingu virkjanasvæða til að þjóna bæði uppbyggingu og núverandi starfsemi á Norður- og Austurlandi.
Tenging Húsavíkur frá Laxá, Húsavíkurlína 1, er með allra elstu raflínum í flutningskerfinu og hefur staðið til að endurnýja hana um nokkurn tíma til að bæta afhendingaröryggi á svæðinu.
.JPG?proc=NewsPanelImage)
Vegna uppbyggingar ferðaþjónustu í Öræfa- og Suðursveit hefur Rarik óskað eftir því að nýr afhendingarstaður raforku verði búinn til á byggðalínuna í Öræfum, í nálægð við Fagurhólsmýri og Hnappavelli.
Vegna áforma um aukna orkunotkun á Sauðárkróki þarf að styrkja tengingu svæðisins við flutningskerfið og auka orkuafhendingu og afhendingaröryggi með því að leggja 66 kV jarðstreng, Sauðarkrókslínu 2, frá Varmahlíð að nýju tengivirki á Sauðárkróki.
Í kjölfar rafvæðingar fiskimjölsverksmiða á Austurlandi hefur álag á svæðisbundna flutningskerfið aukist mikið. Til að bregðast við því og auka flutningsgetu kerfisins var ákveðið að spennuhækka línur úr 66 kV í 132 kV , með þeim ávinningi að möguleg innmötun á Austfjarðakerfið mun aukast um rúmlega 20 MW.
Til að styrkja svæðisflutningskerfið á Suðurlandi og auka afhendingaröryggi verður reist nýtt 66 kV tengivirki á Hvolsvelli sem leysir af hólmi núverandi útitengivirki sem er frá áriðnu 1953.
Til að auka afhendingaröryggi raforku á Reykjanesi hefur Landsnet um árabil unnið að undirbúningi 220 kV raflínu, Suðurnesjalínu 2, frá tengivirki í Hamranesi í Hafnarfirði að Rauðamel í Grindavík, með viðkomu í fyrirhugðum tengivirkjum á Njarðvíkurheiði og í Hrauntungum.
Markmiðið með Blöndulínu 3, 220 kV raflínu milli milli Blöndustöðvar og Akureyrar er að tryggja stöðugleika raforkukerfisins á Norður- og Austurlandi svo það ráði betur við truflanir, auka hagkvæmni í orkuvinnslunni með samtengingu virkjanasvæða og þjóna allri uppbyggingu og núverandi starfsemi á Norður- og Austurlandi.
Til að fá úr því skorið hvort hálendisleið geti verið raunhæfur kostur til að bæta raforkukerfi landsins og auka flutningsgetu, öryggi raforkuafhendingar og gæði raforku hefur Landsnet hafið mat á umhverfisáhrifum raflínu um Sprengisand.
Framkvæmdir við Selfosslínu 3, 28 km langa 66 kV jarðstrengstengingu milli Selfoss og Þorlákshafnar, hófust í 2015 og var hún tekin í rekstur 7. júlí 2016. Jarðstrengurinn eykur afhendingaröryggi raforku í Hveragerði, Þorlákshöfn og á Selfossi og styrkir rekstraráreiðanleika vestari hluta 66 kV svæðiskerfisins á Suðurlandi og eykur flutningsgetu þess.
.jpg?proc=NewsPanelImage)
Framkvæmdum við byggingu flutningsmannvirkja vegna tengingar kísilvers United Silicon í Helguvík við flutningskerfi Landsnets lauk í ársbyrjun 2016. Lagður var níu km langur 132 kV jarðstrengur, Fitjalína 2, milli Fitja og Helguvíkur, byggt nýtt tengivirki í Helguvík sem fékk nafnið Stakkur og settur upp nýr rofi í tengivirkinu á Fitjum.
Framkvæmdir við lagningu 13 km langs 66 kV jarðstrengs meðfram þjóðvegi 1 milli Hellu og Hvolsvallar hófust í maí 2015 og var hann tekinn í rekstur í september sama ár. Strengurinn eykur bæði flutningsgetu og afhendingaröryggi raforku á svæðinu og leysti af hólmi loftlínu sem þarfnaðist endurnýjunar auk þess sem hún var fyrir framtíðarskipulagi á svæðinu.
.jpg?proc=NewsPanelImage)
Framkvæmdum við endurnýjun Sigöldulínu 3, 37 km langrar 220 kV raflínu milli Sigöldu og Búrfells, lauk 4. september 2015 og er flutningsgeta línunnar nú tvöföld á við það sem var. Fyrst og fremst var ráðist í endurnýjun línunnar til að tryggja orkuöryggi hjá viðskiptavinum Landsnets, stórnotendum jafnt sem dreifiveitum.
.JPG?proc=NewsPanelImage)
Ný varaaflsstöð Landsnets í Bolungarvík og nýtt tengivirki Landsnets og Orkubús Vestfjarða voru tekin formlega í notkun 28. apríl 2015 ásamt snjallnetskerfi fyrir Vestfirði.
Það hefur verið forgangsmál hjá Landsneti á undanförnum misserum að bæta afhendingaröryggi raforku á Vestfjöðrum og var nýtt tengivirki á Ísafirði skref í þá átt en það var tekið formlega í notkun við athöfn þann 3. september 2014.
Launaflsvirki Landsnets á Klafastöðum við Grundartanga var tekið formlega í notkun við athöfn þann 18. febrúar 2014. Tilkoma þess styrkir verulega rekstur flutningskerfis Landsnets, bætir spennugæði og afhendingaröryggi og eykur flutningsgetur raforku inn á Grunartangasvæðið.
Endurbætt og stækkað tengivirki Landsnets á Stuðlum við Reyðarfjörð var tekið formlega í notkun af bæjarstjóra Fjarðabyggðar við athöfn eystra þann 22. janúar 2014. Samhliða var Stuðlalína 1 spennuhækkuð og voru framkvæmdirnar liður í að auka flutningsgetu og áreiðanleika svæðisflutningskerfisins á Austurlandi.
Tengivirki Landsnets við Búðarháls og Búðarhálslína 1 voru tekin formlega í notkun við athöfn þann 10. janúar 2014 þegar iðnaðarráðherra spennusetti virkið - og tengdi þar með Búðarhálsvirkjun við meginflutningskerfi Landsnets.
Lagningu Vestmanaeyjastrengs 3 (VM3), nýs sæstrengs til Eyja lauk formlega 9. október 2013 þegar strengurinn var spennusettur við athöfn í Vestmannaeyjum. Hann er gerður fyrir 66 kV spennu en rekinn á 33 kV spennu til að byrja með.
