image
18.09.2015

Landsnet leitar að öflugum verkefnastjórum

Landsnet hf. óskar eftir að ráða verkefnastjóra framkvæmdaverkefna á Framkvæmda- og rekstrarsvið og verkefnastjóra áætlana á Þróunar- og tæknisvið.

Verkefnastjóri framkvæmdaverkefna

Landsnet hf. óskar eftir að ráða verkefnastjóra á Framkvæmda- og rekstrarsvið. Hlutverk sviðsins er að stýra framkvæmdum við uppbyggingu og endurnýjun á flutningskerfi Landsnets ásamt viðhaldi og rekstri kerfisins. 

Starfs- og ábyrgðarsvið:

  • Þátttaka í verkefnateymi við hönnun og undirbúning nýframkvæmda og endurnýjunar á flutningsvirkjum
  • Verkefnisstýring nýframkvæmda og endurnýjunar á flutningsvirkjum
  • Umsjón og eftirlit með framvindu verkefna og skilamati
  • Gerð og eftirfylgni framkvæmda-, kostnaðar- og greiðsluáætlana
  • Samskipti við hagsmunaaðila innan sem utan fyrirtækisins
  • Gerð útboðsgagna og undirbúningur verksamninga, umsjón með framkvæmd, eftirfylgni og uppgjör verksamninga 

Menntunar- og hæfniskröfur:

  • Háskólamenntun í verk- eða tæknifræði
  • Haldbær reynsla af verkefnastjórnun framkvæmdaverka
  • Sérfræðiþekking á sviði háspennu er æskileg
  • Vottun í verkefnastjórnun eða MPM-nám er æskilegt
  • Frumkvæði og metnaður til að ná árangri
  • Skipulagshæfni og sjálfstæði í vinnubrögðum
  • Hæfni í samskiptum og virðing fyrir samstarfsmönnum og umhverfi
  • Gott vald á íslensku og ensku, talaðri sem ritaðri

 

Verkefnastjóri áætlana

Landsnet hf. óskar eftir að ráða verkefnastjóra á Þróunar- og tæknisvið. Sviðið ber ábyrgð á Hlutverk sviðsins er að gera áætlunir um uppbyggingu og þróun raforkuflutningskerfisins og undirbúning framkvæmda. Jafnframt ber sviðið ábyrgð á grunnrannsóknum og sinnir sameiginlegri tækniþjónustu fyrir fyrirtækið.

Starfs- og ábyrgðarsvið:

  • Mótun og forgangsröðun áætlanaverkefna er varða uppbyggingu og viðhald raforkukerfis landsins, s.s. kerfisáætlun og framkvæmdaáætlun
  • Ábyrgð á og verkefnastjórn áætlana og útgáfu þeirra
  • Bein þátttaka í áætlanagerð, s.s. fagvinnu, skrifum og rýni áætlana
  • Miðlun á niðurstöðum áætlana innan sem utan fyrirtækis
  • Ábyrgð á faglegum vinnubrögðum og mótun verkferla

Menntunar- og hæfniskröfur:

  • Háskólamenntun sem nýtist í starfi
  • Haldbær reynsla af verkefnastjórnun
  • Árangursrík reynsla af áætlanagerð
  • Reynsla af miðlun upplýsinga
  • Frumkvæði og metnaður til að ná árangri
  • Skipulagshæfni og sjálfstæði í vinnubrögðum
  • Mjög góð hæfni í túlkun og greiningu gagna
  • Hæfni í samskiptum og virðing fyrir samstarfsmönnum og umhverfi
  • Gott vald á íslensku og ensku, talaðri sem ritaðri

Umsóknarfrestur er til og með 4. október 2015. Umsækjendur eru beðnir um að sækja um starfið á heimsíðu Capacent Ráðninga, www.capacent.is. Umsóknum þarf að fylgja ítarleg starfsferilskrá og kynningarbréf þar sem gerð er grein fyrir ástæðu umsóknar og rökstuðningur fyrir hæfni viðkomandi í starfið. Nánari upplýsingar veita Helga Jónsdóttir (helga.jonsdottir@capacent.is) og Þóra Pétursdóttir (thora.petursdottir@capacent.is) hjá Capacent ráðningum.

Um Landsnet
Landsnet hf. annast flutning raforku á Íslandi og stýrir uppbyggingu flutningskerfisins. Landsnet stýrir jafnframt raforkukerfi landsins og tengir þannig saman framleiðendur og notendur raforku. Landsnet er ábyrgt og framsækið þjónustufyrirtæki með öfluga liðsheild, sterka samfélagsvirtund og í fremstu röð í alþjóðlegum samanburði. Landsnet leggur áherslu á að vera eftirsóknarverður vinnustaður.

Sækja um

Fannst þér efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Landsnets. Hikaðu ekki við að hafa samband ef þig vantar aðstoð.

Af hverju ekki?