image
04.01.2021

Raforkuverð vegna flutningstapa

Samkvæmt raforkulögum nr. 65/2003 ber Landsneti að útvega rafmagn í stað þess sem tapast í kerfinu

Nýverið voru opnuð tilboð í raforku sem áætlað er að muni tapast á fyrsta ársfjórðungi, en Landsnet býður fjórum sinnum á ári út alla þá orku sem tapast í flutningskerfinu. Að þessu sinni var samið við þrjá raforkusala, Íslenska orkumiðlun, Landsvirkjun og Orku náttúrunnar á grundvelli þeirra tilboða sem bárust. Alls voru boðnar út um 90,7 GWst og er heildarvirði samninganna rúmar 428 millj. kr. Meðalverð raforkunnar er því um 4.719 kr./MWst.

Boðnar voru út tvenns konar vörur. Annars vegar er um að ræða grunntöp með fullum nýtingartíma og hins vegar eru það viðbótartöp með 42% nýtingartíma og sveigjanleika sem nemur magn aukningu eða – minnkun um +/- 30%.

Meðalverð raforkunnar lækkar um 11,8% miðað við sama tíma í fyrra en hækkar um 11,9% frá síðasta ársfjórðungi. Raforkuverð vegna flutningstapa á fyrsta ársfjórðungi 2021 verður 4.719 kr/MWst. Gjald vegna flutningstapa fyrir sama tímabil verður 94,15 kr. á MWst og er 14% lægra en fyrir sama tímabil í fyrra en hækkar um 10% milli ársfjórðunga.

Tilboð sem bárust vegna útboðsins eru birt á www.landsnet.is og þar er hægt að skoða nánar dreifingu tilboða og bera saman við tilboð fyrri útboða.

 

Fannst þér efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Landsnets. Hikaðu ekki við að hafa samband ef þig vantar aðstoð.

Af hverju ekki?