image
29.01.2021

Umræðan um flutningskostnað raforku - stöðugleiki, skilvirkni og gagnsæi

Við hjá Landsneti fögnum allri umræðu um flutningskostnaðinn og gjaldskránna okkar og teljum það gott að umræðan um gjaldskrármálin séu gagnsæ, opin og byggð á staðreyndum.

Við höfum lengi verið á þeirri skoðun að þörf sé á meira gagnsæi á raforkumarkaði og höfum meðal annars verið að vinna að stofnun heildsöluraforkumarkaðs með gagnsæi og eðlilegri verðmyndun á raforku að leiðarljósi. 

Í ljósi umfjöllunar um flutningskostnað, þá er rétt að hafa í huga að flutningskostnaður samanstendur af tveimur þáttum.  Annars vegar kostnað við flutning raforku sem flutningsgjaldið endurspeglar og svo kostnaður við kaup á kerfisþjónustu og  þeirrar orku sem tapast í kerfinu.

Kerfisþjónusta og orkukaupin er þjónusta og vara sem Landsnet kaupir af orkusölum. Öllum orkusölum er frjálst að taka þátt og bjóða í þjónustuna og geta haft talsverðar tekjur af henni. Landsnet tekur einungis 2% fyrir umsýslu af þessari þjónustu. Ekki er rétt að tengja þennan kostnað beint við gjald Landsnets vegna flutnings raforku. Meðalflutningsgjald til stórnotenda er á bilinu 4,7 til 5,9 USD/MWst, þar sem stærstu notendurnir eru nær neðri tölunni. Kostnaður vegna kerfisþjónustu og orkutaps er á bilinu 1,0-1,2 USD/MWst.

Landsnet vinnur að því alla daga að auka skilvirkni og ná að skila hagkvæmni í flutningsgjaldi, sem er í takti við markmið fyrirtækisins um að halda gjaldskrá stöðugri til lengri tíma. Eins og sjá má á myndinni þá hafa flutningsgjöld ekki fylgt breytingum á verðlagi, sem hefur skilað sér í raunlækkun flutningsgjalda til viðskiptavina.

Þegar flutningsgjöld Landsnets eru borin saman við sambærileg gjöld í Evrópu,  kemur í ljós að við erum undir meðaltali í samanburðalandanna. Það er áhugaverð niðurstaða í ljósi þess að þessi lönd eru samtengd og mun þéttbýlli en Ísland. Nýting flutningsmannvirkja í samanburðarlöndum okkar er þar af leiðandi betri en hér á Íslandi. Við hjá Landsneti erum mjög meðvituð um hlutverk okkar á raforkumarkaði og hugsum til langs tíma við ákvarðanatöku. Við leggjum áherslu á stöðugleika og beitum áhættustýringu við okkar samninga og takmörkum áhættu. Þannig deilum við til dæmis ekki áhættu með okkar viðskiptavinum af breytilegu afurðaverði hjá þeim.

Fannst þér efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Landsnets. Hikaðu ekki við að hafa samband ef þig vantar aðstoð.

Af hverju ekki?