image
07.01.2022

Maríanna Magnúsdóttir ráðin leiðtogi breytinga hjá Landsneti

Landsnet hefur ráðið Maríönnu Magnúsdóttur sem leiðtoga breytinga.

„Við hjá Landsneti störfum í umhverfi sem er sífellt að breytast og stöndum nú frammi fyrir nýjum og spennandi áskorunum. Breytingarnar eru hraðar og við viljum fylgja þeim eftir með  því að þróa lausna- og árangursmiðaða menningu hjá okkur. Leiðtogi breytinga er nýtt starf hjá fyrirtækinu og mun gera okkur kleift að mæta áskorunum framtíðarinnar. Maríanna hefur reynslu af nýstárlegum stjórnunaraðferðum sem efla leiðtogahæfni. Það verður spennandi að fara þessa vegferð með henni,” segir Guðmundur Ingi Ásmundsson forstjóri Landsnets. 

Maríanna er með fjölbreytta reynslu á sviði umbreytinga  og reynslu af því að setja fókus á að þróa fólk, byggja upp skilvirk og hamingjusöm teymi með því að skapa vinnuumhverfi og menningu þar sem mannauður blómstrar.  Hún segir það forréttindi að fá tækifæri til að taka þátt og leiða þær breytingar sem fram undan eru hjá Landsneti.

„Það eru forréttindi að tilheyra mögnuðum mannauði Landsnets og ég hlakka til að leggja mitt af mörkum í að gera gott fyrirtæki enn betra. Landsnet er að stíga öflugt framþróunarskref sem ég trúi að muni skila árangri ásamt því að vekja mikla athygli. Fleiri vinnustaðir munu vilja taka sambærileg skref,“ segir Maríanna

Maríanna er rekstrarverkfræðingur með M.Sc. gráðu frá HR, hefur áratuga reynslu í Lean aðferðafræðinni og innleiðingu á stefnu fyrirtækja, tekið PMD stjórnendanám og lokið grunn- og framhaldsnámi í markþjálfun. Síðastliðin 11 ár hefur hún starfað sem breytingaafl m.a. sem forstöðumaður umbótastofu hjá VÍS, umbreytingaþjálfari hjá Manino, stjórnarkona FKA Framtíðar og breytingaleiðtogi hjá Reykjavíkurborg.

 

Fannst þér efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Landsnets. Hikaðu ekki við að hafa samband ef þig vantar aðstoð.

Af hverju ekki?