Desember 2020 

Tillaga að matsáætlun vegna Blöndulínu 3 er nú til umfjöllunar hjá Skipulagsstofnun og gera má ráð fyrir að stofnunin birti ákvörðun sína fyrir lok árs 2020.

Fundur með verkefnaráði Landsnets er á dagskrá 2. desember og opinn fundur með landeigendum á línuleiðinni og öðrum áhugasömum þann 3. desember. Fundarefni er yfirferð umsagna og ábendinga sem fram komu við tillögu að matsáætlun og viðbrögð Landsnet við þeim. Á fundunum verður einnig kynnt niðurstaða minnisblaðs um möguleika jafnstraumstenginga í meginflutningskerfi raforku en minnisblaðið var unnið af sérfræðingum í Háskóla Reykjavíkur að beiðni Landsnets.

Á fundunum með verkefnaráði og landeigendum sem hafa verið fjölmargir á síðustu mánuðum hefur verið boðið upp á hefðbundið fundarform, framsögur og umræður en auk þess hafa verið haldnar vinnustofur þar sem unnið var að SVÓT greiningu á ólíkum leiðum Blöndulínu 3 á milli Blöndu og Akureyrar.


Allar nánari upplýsingar um fundina, kynningar, samantektir o.fl. er að finna undir samráð hér á síðunni.

Fannst þér efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Landsnets. Hikaðu ekki við að hafa samband ef þig vantar aðstoð.

Af hverju ekki?