Apríl 2020

Skipulagsstofnun birti þann 24. apríl álit sitt á umhverfismati vegna Suðurnesjalínu 2. Skipulagsstofnun er í flestum atriðum sammála umhverfismatinu en telur að að jarðstrengskostur hafi nokkur minni umhverfisáhrif en kemur fram í matsskýrslunni.

Í verkefni eins og þessu þarf alltaf að taka tillit til margra ólíkra þátta, s.s. kostnaðar og öryggis, til viðbótar við umhverfisþáttinn. Það hafa komið upp ný sjónarmið í kjölfarið á nýlegum jarðhræringum á svæðinu sem þarf að skoða sérstaklega. Framundan er samtal við leyfisveitendur um næstu skref og höfum við væntingar til þess það samtal leiði til góðrar niðurstöðu.

Fyrir liggur leyfi Orkustofnunar fyrir framkvæmdinni með samþykkt Kerfisáætlunar Landsnets, byggt á ákvæðum raforkulaga. Það leyfi tekur til valkosts sem er sambærilegur við þann sem lagður er fram í matsskýrslu og er sá kostur í samræmi við stefnu stjórnvalda um að notast skuli við loftlínur í meginflutningskerfinu.
Fannst þér efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Landsnets. Hikaðu ekki við að hafa samband ef þig vantar aðstoð.

Af hverju ekki?