Forgangsröðun framkvæmda í flutningskerfinu er með mikilvægari verkefnum okkar sem krefst heildstæðrar sýnar á framtíðarþarfir samfélagsins til flutningskerfisins og öryggis kerfisins.
Þörfin á forgangsröðun stafar helst af eðlilegum takmörkunum á fjárfestingargetu fyrirtækisins. Okkur ber skylda til að reka hagkvæmt flutningskerfi og leitast til að halda í samkeppnishæfni á alþjóðavísu.
Það felur í sér hagstæð flutningsgjöld en einnig uppbyggingu til móts við þarfir landsmanna til framtíðar og ber að hafa bæði þessi sjónarmið í huga við forgangsröðun verkefna.
Markmið
Tenging nýrrar framleiðslu
Það er eitt mikilvægasta framlag okkar til að draga úr líkum á orkuskorti og tryggja afhendingaröryggi.
Létta á flutningstakmörkunum
Með því stuðlum við að aukinni nýtingu virkjana og bættri afkastagetu flutningskerfisins.
Orkuskipti í samfélaginu og okkar hlutverk
Aukum sveigjanleika og tengingum þar sem þörfin er að aukast hratt.
Rekstrar- og afhendingaröryggi
Verkefni sem miða að útjöfnun launafls í flutningskerfinu eru að aukast hjá Landsnet.
Fylgja stefnu stjórnvalda
Forgangsröðun framkvæmda í flutningskerfinu tekur mið af stefnumörkun stjórnvalda og þeim áherslum sem lagðar eru um þróun raforkukerfisins.
Meira er fjallað um forgangsröðun í kafla 9 í langtímaáætlun.