Verkefnið Hella - Rimakot fólst í lagningu nýs 132 kV jarðstrengs, Rimakotslínu 2, um 36 km leið frá Hellu, fram hjá Hvolsvelli og að tengivirki í Rimakoti í Austur-Landeyjum. Núverandi tengingar, Rimakotslína 1 (loftlína) frá Hvolsvelli í Rimakot og Hellulína 2 (jarðstrengur) milli Hellu og Hvolsvallar, verða áfram reknar í óbreyttri mynd.

Tilgangur verkefnisins var að auka stöðuleika og öryggi raforkuafhendingar á Suðurlandi, og auk þess liður í bættri tengingu til Vestmannaeyja,  með tengingu nýrra sæstrengja til Eyja.

Í verkefninu fólst einnig stækkun tengivirkjana á Hellu og í Rimakoti. Á Hellu  var virkið stækkað um einn 66 kV rofareit.  Í Rimakoti var tengivirkið stækkað um tvo 66 kV rofareiti, einn fyrir tengingu jarðstrengsins Rimakotslínu 2 og einn fyrir tengingu á nýjum sæstreng til Vestmanneyja.  Í Rimakoti var jafnframt komið upp útjöfnunarspólum sem tengjast Rimakotslínu 2 og  Vestmannaeyjalínum 4 og 5.

Flutningsvirkin voru spennusett í desember 2025.