Skipulagsstofnun hefur skilað áliti sínu á umhverfismati Holtavörðuheiðarlínu 3. Álit Skipulagsstofnunar er mikilvægt innlegg í áframhaldandi vinnu Landsnets við að velja endanlega línuleið. 

Við ákvörðun verður tekið mið af umhverfissjónarmiðum,  samfélagsþáttum, raforkulögum og stefnu stjórnvalda. Landsnet mun á næstu vikum vinna áfram með öll fyrirliggjandi gögn, álit og umsagnir – og taka ákvörðun byggða á þeim. Gert er ráð fyrir að ákvörðun liggi fyrir í haust.

Nánari upplýsingar um málið er að finna á Skipulagsgáttinni.

Lagning Holtavörðuheiðarlínu 3 er mikilvægur hlekkur í endurnýjun á núverandi byggðalínu og verður línan, 220 kV raflína, hluti af nýrri kynslóð byggðalínu. 

Meginmarkmið með byggingu hennar er að auka afhendingaröryggi og afhendingargetu á landinu og tryggja að flutningskerfið standi ekki í vegi fyrir atvinnuubyggingu og eðlilegri þróun byggða á landinu.