Lagður hefur verið 132 kV jarðstrengur (rekinn á 66kV) frá Þeistareykjum að mastri 172 í Kópaskerslínu 1. Auk þess verða gerðar tilheyrandi breytingar á tengivirkinu á Þeistareykjum.

Með nýrri tengingu milli Þeistareykja og masturs 172 í Kópaskerslínu verður loftlínukaflinn á Reykjaheiði á milli masturs 148 og 172 tekinn úr rekstri, en hann mun þó standa áfram sem varahlekkur í kerfinu.

Verkefnið eykur afhendingaröryggi á svæðinu og eykur möguleika tvítenginga afhendingarstaða. Einnig tekur verkefnið mið af áhrifum vegna fyrirhugaðs niðurrifs Laxárlínu 1.

Gert er ráð fyrir að framkvæmdum ljúki 2024.