Við höfum hafið undirbúning á umhverfismati Miðdalslínu 1 og Hvalárlínu 1. Gert er ráð fyrir að vinna við mat á umhverfisáhrifum framkvæmdanna taki um 2 - 3 ár.

Nánari upplýsingar um verkefnið.

Í kjölfar vinnustofa, sem haldnar voru í janúar, var unnið upp úr þeim hugmyndum sem komu fram.

Nú liggja niðurstöður valkostgreiningar fyrir og verður matsáætlun, ásamt valkostagreiningu, send til Skipulagsstofnunar í yfirlestur á næstu dögum.

Því boðum við til kynninga á niðurstöðum valkostagreiningar og matsáætlunar á eftirfarandi dagsetningum og staðsetningum:

• 3. júní kl. 17 á Café Riis – Pakkhúsið Hólmavík
  • Þessi kynning er hugsuð fyrir verkefnaráð en hún verður einnig opin almenningi sem og landeigendum og hagaðilum á svæðinu sem kjósa að mæta þangað.
• 5. júní kl. 17 á Nordica Hótel Reykjavík
  • Þessi kynning er hugsuð fyrir landeigendur en verður einnig opin fyrir þau sem eru í verkefnaráði og sjá sér ekki fært að mæta á Hólmavík.

Boðið verður upp á fjarfund þann 5. júní.

Að sjálfsögðu verður heitt á könnunni og léttar veitingar í boði.