Verkefnið fólst í lagningu nýrra sæstrengja á milli Rimakots og Vestmannaeyja ásamt tilheyrandi jarðstrengjum á landi sem og breytingum á tengivirkjunum í Eyjum og í Rimakoti.

Tilgangur framkvæmdarinnar var að tryggja örugga afhendingu raforku í  Vestmannaeyjum.  Fyrir var einungis einn 66 kV sæstrengur, á milli lands og Eyja,  Vestmannaeyjalína 3  sem lagður var 2013 en hefur bilað í tvígang.  Varatengingin er 33 kV strengur,  Vestmannaeyjalínu 1 frá árinu 1962 en sá strengur nær ekki að anna forgangsálagi í Vestmannaeyjum ef Vestmannaeyjalína 3 fer út.

Sumarið 2025 voru lagðir tveir 13 km, 66 kV sæstrengir, Vestamannaeyjalínur 4 og 5 milli lands og Vestmannaeyja. Þá voru jafnframt lagðir jarðstrengir sem tengjast sæstrengjunum, annars vegar tveir 5 km langir jarðstrengir sem tengjast sæstreng um 250 m frá fjöruborðinu í Landeyjarfjöru og hins vegar 1,3 km langir jarðstrengir frá fjöruborði að tengivirki í Vestmanneyjum. 

Í tengivirkinu í Vestmannaeyjum hefur verið bætt við 2 rofareitum en rými fyrir þá var til staðar í tengivirkinu. Í Rimakoti hefur verið bætt við einum rofareit og settar upp útjöfnunarspólur. 

Flutningsvirkin voru spennusett í desember 2025.