Eignastjórnunarstefna 

Lögum samkvæmt ber Landsnet skyldu til að byggja flutningskerfi raforku á Íslandi upp á hagkvæman hátt og að taka tillit til öryggis, skilvirkni, áreiðanleika afhendingar og gæða raforku. Með orðinu "Eignir" er átt við tengivirki, loftlínur, jarðstrengi, varaaflstöðvar, varaefni og tilheyrandi tölvu- og fjarskiptabúnað (ICT).

Áhersla er á

• Að fylgja skilgreindu verklagi eignastjórnunar (e:Asset Management) og styðjast við alþjóðlega staðla til að hámarka arð af eignum sínum.
• Hagkvæmum rekstri eigna að uppfylltum kröfum um áreiðanleika og öryggi.
• Eignastjórnunarkerfi til að halda utan um málefni eignastjórnunar og er þar með talið ritun lykilskjala, innleiðingu verklags, sem uppfyllir kröfur eignastjórnunar samkvæmt ISO 55001.
• Virka þátttöku starfsmanna.
• Að eignastjórnun gengur þvert á fyrirtækið og styður við lykilþætti starfseminnar eins og öryggismál, umhverfismál, hagkvæmni, skilvirkni, áhættustjórnun og tryggir áreiðanleika flutningsvirkja og góða umhirðu þeirra.

Virði eignastjórnunar

• Virkir verkferlar fyrir umsjón og rekstur eigna.
• Hagkvæmur rekstur eigna.
• Áreiðanleg flutningsvirki raforku.
• Aukið afhendingaröryggi raforku.
• Hámörkun líftíma eigna.
• Skilvirk endurnýjun eigna.

Útgefið í desember 2022