Landsnet hefur undanfarin sumur unnið að uppgræslu og stöðvun jarðvegseyðingar i nágrenni háspennulína á afréttum sunnan Langajökuls.
Sultartangalína var lögð á þessu svæði í upphafi níunda áratugarins og var línuvegur lagður meðfram henni. Vegurinn hefur frá upphafi verið nokkuð fjölfarinn á sumrin enda opnaðist með honum leið með einstaklega fagurri fjallasýn.
Í sumar hafa hópar á okkar vegum unnið við uppgræslu ofan við Þingvelli og er ánægjulegt að segja frá því að landgræðslustarfið undanfarin ár hefur borið árangur.
Á Facebook síðu Landsnets má sjá myndir frá starfinu í sumar.