Landsnet hf. leitar að matreiðslumanni eða starfsmanni með mikla reynslu úr atvinnueldhúsi til starfa í mötuneyti fyrirtækisins.
Viðkomandi heyrir undir yfirmann mötuneytis. Áhersla er lögð á að mötuneytið bjóði starfsfólki upp á fjölbreyttan og hollan mat sem eldaður er á staðnum frá grunni.
Helstu verkefni og ábyrgð:
- Matseld og framreiðsla matar í mötuneyti
- Aðstoð við matseðlagerð
- Frágangur, uppvask og þjónusta í húsinu í samvinnu við teymi mötuneytis
- Að vinna markvisst að auknum gæðum þeirrar þjónustu sem mötuneytið veitir starfsmönnum
- Umsjón með rekstri mötuneytis í fjarveru yfirmanns
Menntunar- og hæfniskröfur:
- Sveinspróf í matreiðslu kostur
- Reynsla af vinnu í atvinnueldhúsi
- Hugmyndaauðgi og áhugi á hollustu og næringu
- Þjónustulund
- Góð kostnaðarvitund
- Snyrtimennska í fyrirrúmi
- Frumkvæði og sjálfstæði í vinnubrögðum
Um Landsnet
Landsnet ber ábyrgð á flutningskerfi raforku sem er einn af mikilvægustu innviðum samfélagsins. Verkefni fyrirtækisins er að tryggja heimilum og fyrirtækjum aðgang að rafmagni í takt við þarfir þeirra og í sátt við umhverfið og samfélagið. Landsnet er góður vinnustaður þar sem fjölbreytt og krefjandi verkefni eru leyst af samhentum hópi starfsfólks.
Umsóknarfrestur er til og með 14. mars 2016.
Umsækjendur eru beðnir um að sækja um starfið á heimasíðu Capacent Ráðninga, www.capacent.is. Umsóknum þarf að fylgja ítarleg starfsferilskrá og kynningarbréf þar sem gerð er grein fyrir ástæðu umsóknar og rökstuðningi fyrir hæfni viðkomandi í starfið.
Nánari upplýsingar veitir Helga Jónsdóttir (helga.jonsdottir@capacent.is) hjá Capacent Ráðningum.