Viðskiptavinir okkar eru framleiðendur, raforkusalar, dreifiveitur og stórnotendur eins og þeir eru skilgreindir skv. raforkulögum.

Örugg afhending raforku

Grunnþjónusta okkar er örugg afhending raforku frá og til viðskiptavina okkar. Grunnþjónusta okkar er mikilvæg þungamiðja raforkumarkaðarins og styður við uppbyggingu og þróun á rafvæddu samfélagi. Aflstöðvar framleiða rafmagn inn á kerfið sem við flytjum til stórnotenda og dreifiveitna. Á Íslandi er aðeins eitt skilgreint flutningsfyrirtæki sem við eigum og rekum, en mörg dreifikerfi. Einstaka smáar aflstöðvar framleiða einnig beint inn á dreifikerfið og tengjast því flutningskerfinu óbeint í gegnum dreifikerfið.

Orkusölufyrirtækin

útvega viðskiptavinum sínum rafmagn, annað hvort með eigin framleiðslu eða kaupum frá öðrum. Slík viðskipti eiga sér yfirleitt stað með tvíhliða samningum milli sölufyrirtækis og framleiðanda en gætu allt eins átt sér stað á raforkumarkaði í kauphöll eins og tíðkast til dæmis á Norðurlöndunum.

Orkuvinnslufyrirtækin á Íslandi framleiða flest rafmagn annaðhvort í vatnsafls- eða gufuaflsvirkjunum og mata inn á flutningskerfið.

Dreifiveitur

taka við rafmagni frá flutningskerfinu og dreifa því áfram um eigin dreifikerfi til endanlegra notenda á því svæði þar sem þær hafa sérleyfi.

Stórnotendur

kaupa rafmagn í miklu magni af sölufyrirtækjum og fá það afhent beint frá flutningskerfinu. Stórnotendur eru þeir sem nota a.m.k. 80 GWst á ári innan þriggja ára og á einum stað .

Viðskiptavinir Landsnets

Framleiðendur / Sölufyrirtæki

HS Orka
Landsvirkjun
Orka náttúrunnar
Orkusalan

Dreifiveitur

HS Veitur
Norðurorka
Orkubú Vestfjarða
RARIK
Veitur

Sölufyrirtæki

Atlantsorka
N1 Rafmagn
Orka heimilanna
Rafhlaðan Orkumiðlun
Straumlind

Stórnotendur

Alcoa
atNorth
Borealis Data Center
Elkem
Norðurál
PCC Bakki Silicon
RioTinto
TDK Foil Iceland
Verne

Sendu okkur ábendingu

Senda ábendingar