Framkvæmdir við Suðurnesjalínu 2 ganga vel og er tæplega helmingi af vinnu við slóðagerð, jarðvinnu og undirstöður lokið.
Framkvæmdir við Suðurnesjalínu 2 ganga vel og er tæplega helmingi af vinnu við slóðagerð, jarðvinnu og undirstöður lokið. Tveir verktakar koma að jarðvinnu, en Grafa og grjót ehf. sjá um slóðagerð og að koma fyrir forsteyptum undirstöðum og stagfestum og Stéttafélagið sem er að hefja vinnu við staðsteyptar undirstöður einpóla mastra í Hafnarfirði.
- Fyrstu möstur eru komin í skip frá Spáni og eru væntanleg til landsins fyrir jól.
- Leiðarar voru keyptir frá Indlandi og komu þeir til landsins í október.
- Næsta vor er gert ráð fyrir að reising mastra hefjist.
Af leyfismálum er það að frétta að í gær kvað héraðsdómur Reykjaness upp úrskurð í máli Náttúruverndarsamtaka Suðvesturlands og Hraunavina vegna framkvæmdaleyfis Voga. Kröfum beggja samtaka um ógildingu framkvæmdaleyfisins var vísað frá dómi og þeim gert að greiða málskostnað. Eftir standa kröfur fimm landeiganda af tæplega 150 um ógildingu framkvæmdaleyfisins og er búist við að aðalmeðferð fari fram um miðjan febrúar á næsta ári. Einnig er gert ráð fyrir að aðalmeðferð í máli sömu landeigenda til ógildingar á heimild til eignarnáms fari fram í héraðsdómi Reykjavíkur um miðjan febrúar.
Vonir standa til að hægt verði að koma línunni í rekstur seinnihluta 2025.