Það er margt í gangi hjá okkur hjá Landsneti og í nýjasta hlaðvarpsþætti Landsnetshlaðvarpsins fáum við skýra mynd af stöðunni frá Unni Helgu Kristjánsdóttur, forstöðumanni verkefnastjórnunar framkvæmda.

Unnur fer yfir:

🏗️ Hvaða framkvæmdir eru í gangi núna
📍 Hvar þær fara fram og hvers vegna
📅 Hvenær hægt er að búast við að framkvæmdum ljúki
📊 Og hvernig verkefnin eru forgangsraðuð með öryggi, afhendingaröryggi og samfélagsþörf að leiðarljósi

Framkvæmdirnar skipta máli – fyrir orkuskipti, aukið öryggi í raforkukerfinu og framtíðina sem við erum að byggja saman.

Hvað gerist þegar sameindalíffræðingur, heimspekingur og sagnfræðingur setjast saman við hlaðvarpsmíkrafóninn og ræða orkumál? Steinunn Þorsteinsdóttir upplýsingafulltrúi fékk þá Hall Þór Halldórsson vefstjóra og Erling Fannar Jónsson verkefnastjóra í spjall þar sem óvæntar tengingar, ný sjónarhorn og samtal varð til - ekki missa af þessum þætti af Landsnetshlaðvarpinu.

Í Landsnetshlaðvarpsþætti dagsins fá Steinunn Þorsteindóttir upplýsingafulltrúi og Einar S. Einarsson, forstöðumaður skrifstofu forstjóra hjá Landsneti, til sín að hljóðnemanum þær Heiðu Halldórsdóttur, framkvæmdastjóra hjá Orkusölunni, og Birnu Lárusdóttur, upplýsingarfulltrúa hjá HS Orku – og saman ræða þau ímynd, traust og þá list að tala um rafmagn með hjartanu. Ekki missa af þessum þætti því þeim leiðist ekki að ræða um vörumerki og orkugeirann.

Sjálfbærni-, árs- og frammistöðuskýrslan okkar fyrir árið 2024 veitir skýra mynd af árangri okkar á árinu.

Hún sýnir hvernig við tryggjum traustan raforkuflutning, eflum afhendingaröryggi og vinnum að sjálfbærri framtíð og fengum við hjá Landsnetshlaðvarpinu þær Margréti Guðmundsdóttur verkefnastjóra og Guðnýju Björg Hauksdóttur framkvæmdastjóra í spjall um skýrsluna og allt það áhugaverða sem þar er að finna.

Með þessum öflugum orðum lauk Sóley Kaldal, áhættustýringar- og öryggisverkfræðingur vorfundinum okkar í Hörpu þann 5. mars sl.

Í framhaldinu settust þær Sóley og Steinunn Þorsteinsdóttir upplýsingafulltrúi fyrir framan hljóðnemann í Landsnetshlaðvarpinu og ræddu saman um þjóðaröryggi, rafmagn, viðbúnað og ábyrgð.

Hvað merkir það í raun að halda landinu gangandi, sama hvað dynur á?

Leiðin til Landsnets og sánuferðir til Finnlands var á meðal þess sem þau Steinunn Þorsteinsdóttir upplýsingafulltrúi og Leifur Ingimundur Runólfsson einn af nýjustu liðsmönnum Landsnets spjölluðu um í þessum Hlaðvarpsþætti. Ekki missa af þessu skemmtilega spjalli – Leifur og og leiðin hans til Landsnets.

Guðný Björg Hauksdóttir framkvæmdastjóri mannauðs og umbóta settist við hljóðnemann og ræddi við Steinunni Þorsteinsdóttur um mikilvægi mannauðs í umhverfi eins og okkar sem er á fleygiferð.
Hún ræddi m.a. um áskoranir og tækifæri sem eru fram undan og hvernig Landsnet vinnur markvisst að umbótum fyrir betri framtíð.

Í þessum þætti hittum við Jóhannes Þorleiksson, nýjan framkvæmdastjóra, sem breytti um kúrs þegar hann réð sig ný verið til Landsnets.

Jóhannes deilir hér íáhugaverðum hugmyndum og markmiðum sem allar eiga að leiða að því að koma manni til tunglsins - kannski samt ekki alveg í orðsins fyllstu merkingu en krefjast hugrekkis, vilja og teymisvinnu.

Guðlaug Sigurðardóttir framkvæmdastjóri og Steinunn Þorsteinsdóttir upplýsingafulltrúi ræddu um fjármál, framkvæmdir og framtíðina í nýjasta þætti Landsnetshlaðvarpsins.

Stútfullur þáttur af áhugaverðu efni en Guðlaug hefur farið með Landsneti í gegnum stórar áskoranir á þeim tíma sem hún hefur verið framkvæmdastjóri fjármála og árangurs.

Holtavörðuheiðarlína 1 var umfjöllunarefni Landsnetshlaðvarpsins daginn sem hálft landið var án rafmagns – eitthvað sem nýja línan hefði að öllum líkindum komið í veg fyrir.

Steinunn Þorsteinsdóttir, upplýsingafulltrúi, og Kristinn Magnússon, verkefnastjóri línunnar, ræddu línuna, hlutverk hennar og hvar hún er stödd í ferlinu.

Að skapa betri skilyrði fyrir fjölbreytta atvinnustarfsemi, færa orkuviðskipti landsins í samkeppnishæft og skilvirkt umhverfi sem stuðlar að verðmætasköpun og styður orkuöryggi er umfjöllunarefni þáttarins.

Þau Einars Snorri Einarsson og Steinunn Þorsteinsdóttir fengu Katrínu Olgu Jóhannesdóttur að hljóðnemanum til að ræða framtíðina, Elmu og orkumarkaðinn.

Þær Svandís Hlín Karlsdóttir framkvæmdarstjóri og Steinunn Þorsteinsdóttir upplýsingafulltrúi tóku fimmtán mínútu spjall um framtíðina og hvað Landsnet er að gera til að þoka okkur nær henni m.a. með virkum raforkumarkaði.

Gnýr Guðmundsson skólastjóri Orkuskiptaskólans og Magni Pálsson yfirkennari, okkar helstu sérfræðingar í orkuskiptunum á spjalli um þetta mikilvæga málefni.

Við hjá Landsneti vorum að gefa út nýja skýrslu þar sem farið var yfir helstu atriði um hlutverk og ábata af virkum raforkumarkaði Í skýrslunni kemur fram að virkur raforkumarkaður er nauðsynleg forsenda þess að ná fram skilvirkara raforkukerfi og auka þannig þjóðhagslegum ábata, öllum til hagsbóta. Ábati sem mun á endanum nema tugum milljarða árlega. Við fengum þá Jón Skafta Gestsson og Svein Guðlaug Þórhallsson höfunda skýrslunnar að hljóðnemanum til að ræða málið og helstu áskoranir sem settar eru fram í skýrslunni.

Nils Gústavsson framkvæmdastjóri reksturs og eigna mætti Landsnetshlaðvarpið og spjallaði við Steinunni Þorsteinsdóttur upplýsingafulltrúa um flutningskerfið, orkuöryggið og leiðina að orkuskiptunum - sem sagt stútfullur þáttur af rafmagnaðri framtíð.

Við hjá Landsneti höfum sett okkur þá stefnu að vinna markvisst að því að lágmarka neikvæð áhrif sem hljótast af rekstri og uppbyggingu flutningskerfis raforku á umhverfið. Engilráð Ósk Einarsdóttir verkefnastjóri samfélagsábyrgðar og umbóta settist við hljóðnemann í Landsnetshlaðvarpinu og spjallaði við Steinunni Þorsteinsdóttur upplýsingafulltrúa um eitt og annað sem snýr að þessum mikilvæga málaflokki sem umhverfis - og sjálfbærnimálin eru hjá Landsneti.

Áttu einhver tips handa mér ? Kristján Ari Úlfarsson var búinn að vera hjá okkur í mánuð þegar hann settist við hljóðnemann í Landsnetshlaðvarpinu og spurði Daníel Scheving Hallgrímsson um eitt og annað sem viðkemur starfi verkefnastjóra hjá Landsneti.

Þann 30. janúar 2023 kom upp bilun á Vestmannaeyjastreng 3, sæstrengnum sem liggur frá Rimakoti og út Eyjar. Í upphafi óraði engan fyrir því að fram undan væri ríflega hálft ár þar til strengurinn væri kominn aftur í rekstur. Okkar fólk var ótrúlega lausnamiðað þegar kom að undirbúningi, viðgerðinni og að halda ljósunum á eyjunni logandi allan tímann. Til að segja okkur söguna af af viðgerðinni fengum við þá Þórarinn Bjarnason fyrirliða reksturs lína og Helga Bogason forstöðumann aðfangastýringar að hljóðnemanum í Landsnetshlaðvarpinu en þeir spiluðu báðir stórt hlutverk í sögunni.

Nýlega kom út ný raforkuspá Landsnets. Í henni kemur meðal annars fram að ekki sé útlit fyrir að fullum orkuskiptum verði náð árið 2040 eins og markmið stjórnvalda ganga út á, heldur 10 árum síðar. Hún Svala Birna Þórisdóttir vann að útgáfu Raforkuspárinnar og kom í heimsókn í Orkuskiptaskólann til þeirra Magna Þórs Pálssonar og Gnýs Guðmundssonar og sagði frá helstu niðurstöðum vinnunnar.

Heimildarmyndin Rafhringur Íslands var sýnd í sjónvarpinu sunnudaginn 27. ágúst. Myndin er saga af stórhuga uppbyggingu, saga af fólki, hugrekki, dugnaði, elju, sorgum, sigrum og meira að segja ást. Steinunn Þorsteinsdóttir upplýsingafulltrúi Landsnets settist niður með framleiðendum myndarinnar þeim Hans Orra Kristjánssyni og Sigurði Frey Björnssyni kvikmyndagerðarmanni og fór yfir söguna, tilurðina og helstu áskoranir með þeim en þau hafa öll verið með byggðalínuna á heilanum undanfarin ár.

Í Landsnetshlaðvarpinu að þessu sinni eru þær Margrét Eva Þórðardóttir og Maríanna Magnúsdóttir að ræða breyturnar og drifkraftana sem verða til þess að vinnustaðamenning innleiði stefnu fyrirtækisins. Það er ákveðin list að horfa á rekstur fyrirtækja heildrænt og sjá hvað mannlegi þátturinn vegur mikið. Það setja fókus á helgun starfsmanna skiptir þar höfuðmáli, jafnt starfsþróun og persónulega þróun. Lærdómsferlið er í raun mikilvægasta ferlið til að hlúa að á þeirri vegferð að innleiða stefnu á árangursríkan máta. Við erum mörg hver í þjóðfélaginu orðin þokkalega sjóuð í að læra af frávikum og ábendingum í ferlum okkar en erum við meðvituð um mannlegu mynstrin okkar og áhrif þeirra á teymið og vinnuna? Er það hluti af umbótastarfi að rýna okkar persónulegu mynstur og innleiða breytingar þar? Hvaða hugarfarsbreyting þarf að eiga sér stað til að ná árangri?

Svandís Hlín Karlsdóttir framkvæmdastjóri viðskipta- og kerfisþróunar, Jón Skafti Gestsson sérfræðingur í hagfræðilegum greiningum og Gnýr Guðmundsson forstöðumaður kerfisþróunar settust fyrir framan hljóðnemann og töluðu m.a. um framtíðina í íslensku raforkukerfi. Áhrif væntanlegrar uppbyggingar vindorkukosta, nýja tegund stórnotenda og aukið hlutverk markaðslausna til að tryggja stöðugleika, hagkvæmni og stöðugleika í kerfinu. Nýsköpun, rafeldsneyti, sveigjanlegir stórnotendur, vindorka, orkuskipti og loftslagsmál. Sem sagt stútfullur þáttur af áhugaverðu efni.

Hvað þarf margar vindmyllur til að knýja eina flugvél? Þetta og margt fleira fróðlegt og skemmtilegt í glænýjum þætti af Orkuskiptaskólanum þar sem þeir Gnýr Guðmundsson og Magni Þór Pálsson eru við stjórnvölinn.

Í þessu skemmtilega spjalli fara þær Margrét Eva Þórðardóttir okkar leiðsögumaður í menningarvegferðinni og Arna Ósk Arnarsdóttir hjá Isavia um víðan völl þegar kemur að menningu og þeirri vegferð sem fyrirtækin hafa verið á.

Öryggismál skipta okkur hjá Landsneti miklu máli og því fannst okkur tilvalið að fá öryggisstjórana okkar í raf- og raunheimum þá Styrmir Geir Jónsson og Halldór Halldórsson við hljóðnemann. Þeir voru auðvitað öryggið uppmálað þegar fóru yfir málin með Steinunni Þorsteinsdóttur upplýsingafulltrúa.

Anna Sigga Lúðvíksdóttir er verkefnastjóri Holtavörðuheiðarlínu 3. Í hlaðvarpsþætti dagsins förum við með henni yfir holt og heiðar í spjalli um línuna, leiðina og framtíðina sem í okkar huga er ljós. Sem sagt allt sem þú þarft að vita um Holtavörðuheiðarlínu 3.

Veröldin er að breytast og verða snjallari enn áður og því þótti okkur tilvalið að fá tvo snjalla samstarfsfélaga, þá Theodór Jónsson og Birki Heimisson, í hlaðvarpsspjall þar sem þeir segja okkur m.a. að þeir séu að vinna á sviði sem heilinn okkar gæti aldrei unnið á . Áhugavert, ekki missa af þessum þætti þar sem horft er til framtíðar sem í þeirra huga er ótrúlega spennandi.

Árni Jón Elíasson og allt sem þig langar að vita um byggðalínuna, ísingar og heimildarmyndina sem gerð var um upphafið og lífið hjá þeim sem reistu byggðalínuhringinn fyrir um 50 árum síðan.

Smári Jónasson forstöðumaður netþjónustunnar okkar mætti í hlaðvarpið og ræddi arfleifðina, óveður, hann sjálfan og lífið á línunni við Steinunni Þorsteinsdóttur upplýsingafulltrúa sem sagði netþjónustuna vera í hennar huga hjartað í starfsemi Landsnets.

Einar S. Einarsson framkvæmdastjóri Stjórnunarsviðs og Steinunn Þorsteinsdóttir upplýsingafulltrúi settust við hljóðnemann og ræddu um eitt af uppáháhalds umræðuefnum þeirra, vörumerkið Landsnet.

Rut Kristinsdóttir sérfræðingurinn okkar í umhverfismati framkvæmda mætti í Landsnetshlaðvarpið og sagði okkur allt um það hvað umhverfismat er mikilvægt þegar kemur að okkar stóru framkvæmdum. Hún sagði okkur líka aðeins frá leiðinni til Landsnets en við gleymdum að fjalla um Rán sem er með Rut á myndinni en hún hefur stundum komið við sögu þegar við höfum verið að spjalla.

Gerðum upp jafnréttisdaga í hlaðvarpi dagsins með Svandísi Hlín Karlsdóttur formanni jafnréttisnefndar Landsnets.

Steinunn Þorsteinsdóttir upplýsingafulltrúi hitti hana Ellu , Elínu Sigríði, samráðsstjóra hjá Landsneti og leit í baksýnisspegilinn með henni. Þær ræddu m.a. hvað við höfum gert og hvað við getum gert betur þegar kemur að samtali, samráði og framtíðinni sem í þeirra og okkar huga verður bara rafmagnaðri.

Hvernig endar sérfræðingur í Stjórnstöð sem verkefnastjóri menningarvegferðar? Þetta er spurning sem Margrét Eva Þórðardóttir hefur oft fengið en okkur í LandsnetsHlaðvarpinu fannst tilvalið að fá hana að hljóðnemanum í spjall um vegferðina og lífið hjá Landsneti og heyra um leið hvernig hún fékk menninguna í fangið.

Jason Már Bergsteinsson sérfræðingur í mannauðsmálum hjá Landsneti settist við hljóðnemann og ræddi lífið og tilveruna við Steinunni Þorsteinsdóttur upplýsingafulltrúa - já og helstu verkefni síðustu mánaða en Jason hefur verið hjá Landsneti í hálft ár.

Það eru tímamót hjá Jóni Bergmundssyni verkefnastjóra á framkvæmda- og rekstrarsviði sem kíkti í spjall og ræddi m.a um Tom Swift, Bosníu, Kosovo og lífið með Landsneti. Fyrir næstum 55 árum heillaðist hann af rafmagni sem hefur fylgt honum yfir heiðar og haf síðan þá - nú er komið að öðru og fram undan er tími til að njóta.

Verið velkomin í Orkuskiptaskólann þar sem þeir Gnýr Guðmundsson og Magni Þór Pálsson leiða þig í allan sannleika um orkuskiptin. Hvað felst í orkuskiptum, hafa orkuskiptin áhrif á mitt líf eða er þetta kannski bara spurning um að koma öllum á rafmagnsbíla?

Hlustið og fræðist með þeim Gný Guðmundssyni skólastjóra Orkuskiptaskólans og Magna Pálssyni yfirkennara en þeir eru okkar helstu sérfræðingar í þessum málaflokki.

Verið velkomin í Orkuskiptaskólann þar sem þeir Gnýr Guðmundsson og Magni Þór Pálsson leiða þig í allan sannleika um orkuskiptin. Hvað felst í orkuskiptum, hafa orkuskiptin áhrif á mitt líf eða er þetta kannski bara spurning um að koma öllum á rafmagnsbíla?

Sagan af Suðurnesjalínu 2.

Glötuð tækifæri, samkeppnishæfni, loftslagsmál og styrking byggðalínunnar - Jón Skafti Gestsson sérfræðingur á fjármálasviði Landsnets mætti í hjóðver og spjallaði við Steinunni Þorsteinsdóttur upplýsingafulltrúa um þetta og margt fleira.

Einar S. Einarsson, framkvæmdastjóri á Stjórnunarsviði, gaf sér tíma með okkur fyrir þetta hlaðvarp og sagði okkur frá menningarverkefni sem á sér stað hjá Landsnet. Hvað er menning og afhverju borðar hún stefnur í morgunmat?

Það kom að því, ég fékk hana Steinunni hinu megin við hljóðnemann svo að segja. Steinunn segir okkur frá lífinu og tilverunni sem upplýsingafulltrúi Landsnets, hvaðan hún kemur og af hverju hún elskar að segja sögur.

Við fengum að ræða við hinn eina sanna Sigurð Sigurðsson, goðsögnina hjá Landsnet. Hann hefur verið lengi í geiranum og snert á flest öllu í raforkukerfinu okkar.

Við tókum spjallið við hann Guðlaug Sigurgeirsson og fengum að skyggnast inn í heim þar sem rafmagnið er snjallara og hvað "snilldin" getur gert fyrir okkur :)

Ferðalag öryggisstjórans til Landsnets.

Við fengum Magna Þór Pálsson, verkefnastjóra rannsókna, til að ræða við okkur um jafnstraum, riðstraum, jarðstrengi og allt þar á milli. Það er óhætt að segja að þetta var lærdómsríkt viðtal, allavega fyrir okkur sem spjölluðum við doktorinn.

Við fengum tækifæri til að ræða við hann Ragnar Bjarna, verkstjóra netþjónustunnar á Austurlandi. Hann sagði okkur frá vinnunni, lífinu á línunni og hvað góður starfsmaður þarf að búa yfir. Þetta er annað fjarviðtalið okkar úr heimavinnu.

Við spjölluðum við hann Daníel Scheving Hallgrímsson á fjarfundi um Kröflulínu 3 og fengum að heyra hans reynslu og upplifun af þessu stóra verkefni. Takk fyrir okkur Daníel!

Óhefðbundinn þáttur hjá okkur þar sem við byrjum haustið og tökum hugleiðingar um daginn í dag.

Elín Sigríður Óladóttir, samráðsfulltrúi, segir okkur frá hlutverki sínu, mikilvægi samráðs þegar ákvarðanir eru teknar um flutningskerfið og hver framtíðin er.

Neyðarstig í 6 mánuði, óveður, jarðhræringar, faraldur og allt þar á milli.

Gnýr Guðmundsson gaf okkur tíma til að ræða nýsamþykkta kerfisáætlun, verkefnin framundan og framtíðina.

Við ræddum við hana Hlín Benediktsdóttur og báðum hana um að segja okkur frá Blöndulínu 3.

Í þessum þætti ræðum við við hann Ingvar Kára, vaktmann í stjórnstöð hjá okkur. Hann segir okkur frá seltu, ísingu og óveðrinu sem er að ganga yfir landið.

Í þessum fyrsta þætti frá hlaðvarpi Landsnets ræðum við við hana Svandísi Hlín Karlsdóttur forstöðumann viðskiptaþróunar hjá okkur.