Nýtt skipurit tekur gildi hjá Landsneti 1. júní 2015 í samræmi við endurskoðun á stefnu félagsins og framtíðarsýn. Breytingunum er ætlað að efla enn frekar starfsemi Landsnets sem gegnir því mikilvæga hlutverki í raforkukerfi landsins að tryggja og viðhalda hæfni flutningskerfisins til lengri tíma og viðhalda jafnvægi milli framboðs og eftirspurnar rafmagns á hverjum tíma.

Eftirlitsstofnun EFTA (ESA) komst í dag að þeirri niðurstöðu að samningar Landsvirkjunar og Landsnets við PCC Bakki Silicon frá því í mars 2015 um kaup á raforku og flutning á raforku feli ekki í sér ríkisaðstoð.

Eldsumbrotin í norðanverðum Vatnajökli og gosið í Holuhrauni voru í brennidepli á vel sóttum vorfundi Neyðarsamstarfs raforkukerfisins (NSR) sem fram fór í höfuðstöðvum Landsnets í gær.

Landsnet fagnar niðurstöðu Úrskurðarnefndar umhverfis- og auðlindamála, sem fyrirtækið telur að sé til þess fallin að skýra þær kröfur sem gera verði til Skipulagsstofnunar og framkvæmdaraðila við gerð mats á umhverfisáhrifum framkvæmda í flutningskerfi raforku. Úrskurðurinn tekur hins vegar ekki til mats á umhverfisáhrifum framkvæmda sem þegar er lokið og hefur ekkert fordæmisgildi hvað slíkar framkvæmdir varðar.

Hæstiréttur hefur fellt úr gildi fimm úrskurði matsnefndar eignarnámsbóta sem heimiluðu Landsneti umráðatöku afmarkaðs svæðis innan Sveitarfélagsins Voga vegna byggingar og reksturs Suðurnesjalínu 2, án þess að matsnefndin hefði lokið matsferli eignarnáms umræddra svæða með úrskurði um fjárhæð eignarnámsbóta. Dómurinn varðar hins vegar ekki ákvarðanir iðnaðarráðherra frá 24. febrúar 2014 um eignarnám.

Nefnd sem hefur kannað möguleika á breytingum á eignarhaldi Landsnets hf. hefur skilað greinargerð til iðnaðar- og viðskiptaráðherra og hefur hún verið gerð opinber á vef atvinnuvegaráðuneytisins.

Landsnet undirritaði í dag samkomulag við ÍSTAK um lagningu jarðstrengs milli Fitja og Helguvíkur og er miðað við að framkvæmdum verði að fullu lokið haustið 2015.

Mikilvægum áfanga í að auka orkuöryggi á Vestfjörðum var fagnað í Bolungarvík í dag. Þá tók iðnaðar- og viðskiptaráðherra formlega í notkun nýja varaaflstöð Landsnets, nýtt tengivirki Landsnets og Orkubús Vestfjarða í Bolungarvík og snjallnetskerfi fyrir Vestfirði – sem er samheiti yfir ýmsar tækninýjungar á sviði flutnings og dreifingar raforku á svæðinu. Verkið tók rúm tvö ár og kostaði um 1,5 milljarð króna en alls hefur Landsnet fjárfest fyrir rúma þrjá milljarða í bættu orkuöryggi vestra á liðnum árum.

Orka, samgöngur og fjarskipti eru forsendur nútíma mann- og atvinnulífs og grundvöllur byggðar í öllu landinu. sagði stjórnarformaður Landsnets á vorfundi félagsins á dögunum þegar hann minntist 10 ára afmælis félagsins og horfði fram á veg til þeirra verkefna sem bíða þess á næstu árum.

Landsnet undirritaði í dag samkomulag við Íslenska aðalverktaka (ÍAV) um byggingu á nýju tengivirki Landsnets í Helguvík sem fengið hefur nafnið Stakkur. Samningurinn hljóðar upp á 341 milljón króna og er miðað við að framkvæmdum verið að fullu lokið í árslok 2015.

Frumvarp til laga um breytingar á raforkulögum vegna kerfisáætlunar Landsnets og þingsályktun um stefnu stjórnvalda um lagningu raflína bíða nú lokaumræðu á Alþingi. Væntir iðnaðar- og viðskiparáðherra þess að þau verði afgreidd á næstu dögum yfirstandandi vorþings.

Stjórn Landsnets var einróma endurkjörin á aðalfundi félagsins sem fram fór fimmtudaginn 9. apríl sl. í kjölfar vorfundar félagsins. Á fundinum var ársreikningur Landsnets fyrir árið 2014 jafnframt samþykktur.

Það er vilji Landsnets að ná fram sem víðtækastri samfélagssátt um framtíðarfyrirkomulag raforkuflutninga og uppbyggingu meginflutningskerfisins þannig að allir, almenningur jafnt sem atvinnulíf, hafi öruggan aðgang að tryggu rafmagni sem er forsenda lífsgæða í nútímasamfélagi.

Með hækkandi sól aukast ferðalög á fjöllum og því vill Landsnet vekja athygli á því að víða á hálendinu er nú hættulega stutt upp í háspennulínur vegna mikilla snjóalaga.

Landsnets efnir til opins vorfundar um stöðu flutningskerfis raforku á Íslandi fimmtudaginn 9. apríl nk. þar sem kynntar verða nýjar áherslur í rekstri félagsins sem hafa m.a. að markmiði að tryggja landsmönnum aðgang að öruggu rafmagni til framtíðar í sátt við samfélag og umhverfi.

Landsnet hefur undirritað nýtt samkomulag um raforkuflutninga við PCC vegna kísilvers á Bakka við Húsavík. Þar koma fram ítarlegri skýringar á samkomulagi fyrirtækjanna, samkvæmt leiðbeiningum Eftirlitsstofnunar EFTA (ESA), en voru í fyrri samningi félaganna. Jafnframt hefur nýi samningurinn verið sendur ESA til samþykktar.

Vegna umræðu um að Landsnet hafi ekki staðið við samkomulag um að fjarlægja háspennulínur sem standa við Vallahverfið í Hafnarfirði vill Landsnet koma eftirfarandi á framfæri:

Landsnet óskar eftir þátttakendum í samningskaup um reglunaraflstryggingu fyrir tímabilið 1. maí 2015 til og með 1. maí 2016.

Landsnet leitar að öflugum einstaklingi í starf umsjónarmanns lagers. Viðkomandi þarf að vera tilbúin(n) að sinna útköllum utan hefðbundins vinnutíma. Starfið heyrir undir innkaupastjóra í deild Fjármála.

Landsnet óskar eftir tilboðum í jarðvinnu, byggingu og fullnaðarfrágang húss og spennarýma fyrir Stakk - tengivirki Helguvík í samræmi við útboðsgögn STA-01.