Góður árangur hefur náðst við endurheimt á gróðri við Kröflulínu 4 og Þeistareykjalínu 1 en strax í upphafi verkefnisins var ákveðið að fara í endurheimt á gróðri.

Orkustofnun tók þann 18.1.2019 ákvörðun um að samþykkja kerfisáætlun Landsnets fyrir tímabilið 2018-2027. Með breytingu á raforkulögum á árinu 2015 fékk Orkustofnun nýtt hlutverk sem felst í eftirliti með uppbyggingu flutningskerfisins í gegnum kerfisáætlun Landsnets.

Ragnar Guðmannsson, forstöðumaður stjórnstöðvar Landsnets, hefur starfað í stjórnstöðinni í 16 ár og man vart eftir eins góðu ári og þessu sem nú er að líða þegar kemur að straumleysi. Hann segir þó að við þurfum að gera enn betur til að standast samanburð við nágrannalöndin og auka enn frekar afhendingaröryggi kerfisins.

Laki ehf. er íslenskt sprotafyrirtæki sem undanfarin ár hefur unnið að þróun búnaðar til að "sníkja" rafmagn af háspennulínum. Orkan, sem þessi "Rafsníkir" (14. jólasveinninn?) vinnur úr línunni er notuð til þess að knýja ýmsan mæli- og eftirlitsbúnað sem koma má fyrir í búnaðinum.

Landsnet, Rarik, HS Veitur og Félag íslenskra fiskmjölsframleiðenda (FÍF) hafa sameinast um að stuðla að aukinni notkun á endurnýjanlegri orku í fiskmjölsiðnaði á Íslandi.

Dagana 21. nóvember og 22. nóvember stendur Landsnet fyrir opnu húsi á tveimur stöðum á Norðurlandi til kynna frummatsskýrslu vegna Hólasandslínu 3.

Við hjá Landsneti erum byrjuð að móta kerfisáætlun 2019-2028 samkvæmt raforkulögum nr. 65/2003. Samhliða er unnið umhverfismat á umhverfisáhrifum kerfisáætlunar skv. lögum nr. 105/2006 um umhverfismat áætlana.

Við hjá Landsneti fengum i dag afhent gullmerki Jafnlaunaúttektar PwC. Úttektin segir til um kynbundinn launamun innan fyrirtækisins að teknu tilliti til áhrifaþátta á laun.

Landsnet hefur lagt fram frummatsskýrslu fyrir Hólasandslínu 3 til athugunar hjá Skipulagsstofnun.

Landsnet hefur samið um kaup á raforku vegna flutningstapa fyrir fyrsta ársfjórðung 2019 á grundvelli útboðs sem fram fór í október síðastliðnum.

Breytingin felur í sér 5,5% lækkun á gjaldskrá vegna flutningstapa.

Fyrir okkur hjá Landsneti skiptir miklu máli að sátt ríki í samfélaginu um hlutverk okkar og áherslur og skilningur sé á því að flutningskerfið er ein af grunnstoðum samfélagsins. Fyrir okkur skiptir samtalið máli og við leggjum áherslu á að eiga frumkvæði að stöðugu samtali við hagsmunaaðila.

Almennu umsagnarferli vegna kerfisáætlunar Landsnets, sem staðið hefur yfir síðan í lok maí á þessu ári, lauk formlega föstudaginn 31. ágúst.

Á vorfundi Landsnets í mars sl. ræddi Þórdís Kolbrún Reykfjörð Gylfadóttir ferðamála-, iðnaðar- og nýsköpunarráðherra m.a. um áform um að stofna hagsmunaráð, sem lið í auknu samráði um uppbyggingu grunninnviða þar sem hún sagði m.a. að markmiðið með stofnun ráðsins, sem er ráðgefandi fyrir Landsnet, væri að efla enn frekar samráð og miðlun upplýsinga, þannig að áætlanagerð, framkvæmdir og forgangsröðun taki mið af áherslum hagsmunaaðila.

Landsnet hefur samið um kaup á raforku vegna flutningstapa fyrir fjórða ársfjórðung þessa árs á grundvelli útboðs sem fram fór í júlí og ágúst í sumar.

Árshlutareikningur Landsnets fyrir janúar – júní 2018 var lagður fram í dag. Afkoma fyrirtækisins er samkvæmt áætlunum.

HS Veitur hafa ákveðið að bæta við tveimur 60 MVA spennum (132/33 kV) í tengivirkið Fitjar vegna aukinnar orkunotkunar stórnotandans Advania Data Center.

Vegna bilunar í appinu ​okkar fóru ekki tilkynningar frá stjórnstöð í appið dagana 8. og 9. júlí.

Skipulagsstofnun hefur farið yfir tillögu að matsáætlun Landsnets, umsagnir og athugasemdir ásamt viðbrögðum Landsnets við þær.

Þann 1. júlí tók gildi ný útgáfa af tveimur netmálunum okkar og í kjölfarið hafa orðið breytingar á viðskiptaumhverfinu okkar.